Misaun

ICFP ne’e instituisaun ida Timor Oan nian kometida ba formasaun profesór/a sira ba eskola ensinu báziku iha distritu sanulu resin tolu iha Timor laran tomak. Fó atensaun espesífiku atu forma mestre/a profisionál ne’ebé kualifikadu lo-loos iha ambiente ida ne’ebé influénsia hosi valór Evanjéliku.

Institutu ne’e ninia papél atu konvida estudante sira atu fó an tomak ba iha prosesu edukasaun ne’ebé sei hakbi’it estudante ida-idak atu sai lider iha kampu edukasaun eskola ensinu báziku iha futuru.

Institutu ne’e kometidu atu hasa’e liután abilidade sira ne’ebé mak esensiál kona-ba kualidade hanorin no aprendizajen nian, ida ne’ebé tuir kontestu aprosimasaun ida be foka liu ba estudante hanesan sentru la’ós konteúdu mak hanesan sentru. Ita-nia modelu mak la’o neineik maibé ho firme hamutuk ho ita-nia estudante sira iha sira-nia hanorin no aprendizajen.

Institutu ne’e kometidu atu halo estudante sira sai kriativu liután hosi esperiénsia aprendizajen liuhosi deskobre iha sira-nia moris no aprende abilidade numerasia no literasia ne’ebé hodi loke sira-nia hanoin krítiku hodi buka sai ema loos atu serbí, liu-liu servisu edukasaun nian iha komunidade. Xave atu sai ema ne’ebé servisu na’in mak hakbi’it estudante ida-idak atu bele fó nia an tomak ba sira-nia aprendizajen rasik.

Institutu ne’e kometidu fó oportunidade ba estudante sira atu dezenvolve kualidade hirak ne’ebé mak sei halo sira sai “Sidadaun no Kristaun di’ak” (Santu Marcelino Champagnat). Kualidade ida mak fó domin ida ne’ebé loos ba estudante sira: “atu eduka foin-sa’e sira uluk-knanain tenke hadomi uluk sira, no hadomi sira hotu hanesan” (Santu Marcelino Champagnat).

Be Sociable, Share!

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>